ீ 016 ౄ哈佬喂

尋日，我們的星期六，又再開始有活動
係暫停咗近一個月ge時間，大家今次活動係，飲茶
照舊，無論約幾點，都會係有人遲到
再加上近日天氣凍.....遲到ge時間真係，好長.....

飲茶時，大家其實好興奮，因為真係好鬼耐冇見
而當中得到最新消息係，又有一個成員離開咗大家曾經一齊返過ge果間公司
換言之，固有成員中，除咗一位放咗好多個月病假ge健康男士外，就冇人再係果間公司返工
當然，其實係仲有一位，但佢好似已經離咗隊.....所以唔將佢計算在內

完咗之後，我地分咗２批行動
約咗朋友&補習的，自行離開
其他人就出發去HSBC ge籌款活動
哈佬喂，我地全部化晒妝，有簡單有隆重
我都係第一次咁樣參加哈佬喂，哈
過程其實冇咩特別野玩，但見到d人個個都化到鬼五馬六，又真係幾過癮
同行ge Avatar真係好得，係咁比人捉仲要合照
但佢真係好鬼衰，成鬼日都潤我，係眯都要同我拗一餐.....
都唔諗下自己都已經幾十歲人

BTW，都要多謝佢，因為冇佢ge邀請，我都唔會有得咁去玩

PS
不得不講，我真係對多人活動又愛又恨