世上沒有免費午餐，當然，也沒有免費晚餐。 這是真理。而有很多人，都是不明白真理的。
例如有位朋友最近跟一位追求者第一次出去約會，也不算是很正式的「我們是男女朋友」的那種，只是吃個飯傾個偈互相了解一下。 飯吃到一半，朋友就已深感中伏，這個男的好像是上天派下來跟她作對似的，他們在每一個話題上面都有極端相反的意見，哪套戲好看啦今年的視帝該頒給誰啦哪個政黨是最無恥啦周一嶽唱歌好唔好聽啦等等等等，她說東他總會說西，而且是真心地說西。
她用「以後不再跟這人聯絡」的心來吃完下半餐飯，叫埋單時，男人拿出電話開了計數機app──大家心照了，他也大概覺得「呢條女溝到都冇幸福」吧，所以打算飯錢除二。
朋友見狀立即說「不如我請」，男人竟然說：「好！」 OK，普通朋友出來食飯，Dutch date是絕對沒問題的，問題是，你而家嚟溝我、發現唔啱嘴型/自覺應該溝唔到，便想改行AA制？ 男女平等在其他地方體現就足夠了，在某些情況，男人還是要表現出應有的風度來。 但現今世代，你還期望有幾多男人知道「風度」？他還說「好」呢！
另外一個朋友，她男友的小家是出了名的，別說平時了，連她生日呀聖誕呀這些日子，吃飯慶祝也是AA制的。OK你可以話「我鬼仔性格，鬼仔都係鍾意AA嘅」；可是呢，他在生日前呀聖誕前呀，都會明示（對，是明示）女友該送甚麼禮物給自己要請自己去哪裡吃飯。 這是哪門子的鬼仔性格？是衰格的鬼仔性格！
後來兩人分了手，她才說之前為了保住男友面子所以沒跟我們呻 ── 這幾年來他們連開房也是AA制的，你付一次我付一次。有不下十幾次，輪到他付房錢，他不知是特登還是大頭蝦啦，銀包裡面只有幾十塊錢囉。女友墊完他又不了了之，下次又是女的付錢。
他大概是想「你都有高潮吖！你都有爽到吖！爽唔使俾錢呀？」
其實單憑這一點，就應該早早把這貨掃地出門。
這已不是男女平不平等的問題。除非是女的包養男的，否則兩個人去開房，錢一定要男人付。就算是女的先說要去，也要由男人俾錢。 如果連這點也不堅持的話，你一生都會栽在男人手上，男人不會尊重你，會四處說「我條女俾埋錢我同佢去爆房」，你們因錢銀嘈交時會說「房錢你都肯出啦借幾皮嘢俾我有乜所謂啫？」
平時buy him a dinner沒所謂，買衫買鞋買褲給他沒所謂，分擔他的房租水電煤費也可以，但某些費用，女人要緊緊守好自己的銀包。
這是真理，女人們好好記住了。
-----------轉載自: http://hk.lifestyle.yahoo.com/blogs/relationship-love-tower/
-----------------------------我是分隔線---------------------------
今日係yahoo睇到一篇咁樣ge文
未知作者係男係女，以個人觀察，估計係女性
我同意拍拖費用要２人分擔，唔係咩野都係男人比晒
不過，行街睇戲食飯，我支持比果陣一定係男人出
咁樣先顯得佢大方有風度，男人ge面子好重要
所以我一向都唔會係外面同男朋友出現爭比錢ge現象
而會係得返２個人ge時間，先比返自己果份或者部份或者全部
情況視乎，佢堅持只收少少，我堅持要AA or 我請佢
哩d野都係２人夾架啫，無傷大雅
至於文中最後提及，開房錢一定一定一定係男人比
哩樣野，其實我唔係好諗得明
(當然我都係主張比果陣一定係男ge，但最後係邊個出就…同頭先講ge一樣啦)
諗唔明點解講到，女ge比錢去開房，就實會比男人睇唔起
更加嚴重到話「唔會被尊重」
諗唔明諗唔明
男女冇可能做到平等
但我會堅持做，我認為大家可以平等ge野
錢哩家野真係好死，出多出少邊個出，有時真係唔使計較咁多
我唔認同作者哩一個觀點，但我又唔係好解釋到我點解會唔認同
反正比果陣係男ge比就得，冇人知其實d錢係個ge，之於我咁就冇問題
唔好問同我男人係點，哈哈哈
以上內容，僅個人觀點
PS
鬼馬喇你～我完全load唔到野囉=////=
沒有留言:
張貼留言