ீ 193 ౄ唔屈得

好啦，罕有地打返篇口語日記

其實係咁ge，本人非常之討厭比人屈
屈完我唔比我知ge話，我都接受到
因為唔知，所以唔嬲，都好正常啫下話？

試過比人話我冇禮貌、冇家教
OK～整體黎講，你話我冇禮貌，我唔會否認
心諗：又如何？　(而且要睇對象囉～～～)
但如果係針對某件事而咁話我，而我又冇做過的話
哈哈～真係唔好意思喇！
我冇做但話我有做，好啦～我會成全你！
我會比你見識下，咩先叫冇禮貌、冇家教　(笑)

可能會有人覺得，咁樣做又何苦
咁唔話都比人話咗喇，而其他人又聽佢講
信唔信我唔知啦，反正我條氣唔順
咁就梗係要成全佢ge願望啦～


又有一次，有個女人係佢男友面前屈我，話我打電話比佢
果一刻真係好想爆粗鬧爆佢!!
小姐，我連你電話號碼都冇啊，點打比你啊！
跟住我問：有冇電話紀錄啊？
男：冇。
我：咁你就信佢喇？咁你就打黎話我喇？
男：我信佢！
我：OK，你地玩信&唔信哩套！

於是，我打咗幾個電話，問身邊ge朋友，睇下邊個會有果個女人ge number
拎到之後，我就直接打過去，用自己號碼打tim!!!
我做人呢，就好均真ge～一定唔會打匿名電話，唔會用133 ge
最多都係唔用自己個號碼ga啫，但一定唔會用133
所以，一定會有顯示
冇人有機會屈我！

個女人話我有打啊嘛～而個fd又話信佢wor
咁我咁好人，梗係唔想個fd信錯人架啦～
真係完全唔使諗就打比佢
我對個女人講：你屈我打比你啊嘛～我依家就打黎，開心未啊？
對男人講：唔使多謝我！

心諗：有妄想症就行埋一二邊啦，搵著我黎搞！頂啊～

但係～大家又唔好諗住挑戰下我
我唔係個個&樣樣都可以挑起我條筋

之又但係，大家都唔好嘗試屈我
我幾時會發神經，連自己都話唔埋
哈哈哈

反正就係
我～唔～屈～得！

PS
頂～！